Bakı, 14 dekabr, AZƏRTAC
Azərbaycan Dövlət İnformasiya Agentliyinin (AZƏRTAC) komandası Ulu Öndər Heydər Əliyevin xatirəsinə həsr olunmuş dövlət qurumları arasında III minifutbol turnirində ilk oyununu keçirib.
AZƏRTAC xəbər verir ki, B qrupunda yer alan kollektiv Energetika Nazirliyi ilə qarşılaşıb. Matçın ilk hissəsi rəqibin 1:3 hesablı üstünlüyü ilə nəticələnib. Lakin ikinci yarıda əzmkarlıq nümayiş etdirən komandamız 2 qol vuraraq, yekun hesabı müəyyənləşdirib – 3:3.
Qeyd edək ki, turnir AFFA, Gənclər və İdman Nazirliyi, eləcə də Azərbaycan Minifutbol Federasiyasının təşkilatçılığı ilə keçirilir.
