1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"2025-ci ildə "Şahdağ" Turizm Mərkəzi beynəlxalq idman yarışlarına və tədbirlərə ev sahibliyi edəcək".
Oxu.Az xəbər verir ki, bu sözləri "Şahdağ" Turizm Mərkəzinin qış mövsümünə hazırlığı barədə keçirilən mətbuat konfransında "Şahdağ" Turizm Mərkəzi QSC-nin sədri Rüstəm Nəcəfov deyib.
O, mövsüm qabağı yeni infrastruktur layihələrinin həyata keçirildiyini, modernləşdirilmə işlərinin aparıldığını, həm kompleksin ərazisində olan hotellərin, həm də kanat xətlərinin, eləcə də qonaqlara təqdim olunan müxtəlif qış əyləncələrininin və attraksionlarının tam hazır vəziyyətə gətirildiyini bildirib:
"Bu baxımdan, son illər beynəlxalq bazarlarda aparılan uğurlu təşviqat işləri nəticəsində həm kompleksə səfər edənlərin sayında müsbət dinamika var, həm də bu istiqamətdə ölkələrin coğrafiyası genişlənib".
Mərahim Nəsib
