Türkiyənin Suriyadakı səfirliyi 12 ildən sonra rəsmən fəaliyyətini bərpa edib.
Axar.az xəbər verir ki, bu barədə Türkiyə mediası məlumat yayıb.
Bildirilib ki, Türkiyənin Dəməşqdəki səfirliyin müvəqqəti işlər vəkili Burhan Koroğlu və heyətinin gəlişi ilə bu gün səfirlik rəsmən açılıb.
Qeyd edək ki, Türkiyənin Dəməşqdəki səfirliyi Suriyada baş verən hadisələrlə bağlı 26 mart 2012-ci il tarixində fəaliyyətini dayandırmışdı. Səfirlik əməkdaşları və onların ailə üzvləri də bu qərarla Türkiyəyə qayıtmışdılar.
Suriyanın İstanbuldakı Baş Konsulluğu isə fəaliyyətini davam etdirirdi.
