Qərbi Qana əyalətində baş verən vəba epidemiyası səbəbindən 14 nəfərin öldüyü bildirilib.Qana Səhiyyə Xidmətləri Qərb əyalətinin regional direktoru Dr. Yav Ofori Yeboah yerli mətbuata verdiyi açıqlamada vilayətin 8 rayonunda vəba epidemiyasının baş verdiyini açıqlayıb.Bu bölgələrdə 800-dən çox vəba xəstəliyinin müşahidə edildiyini qeyd edən Yeboah epidemiya səbəbindən 14 nəfərin həyatını itirdiyini bildirib.Bölgədə vəba epidemiyası ilə mübarizə çərçivəsində pulsuz müalicəyə başlanıldığını bildirən Yeboah, şübhəli vəba hadisələrinin dərhal səhiyyə müəssisələrinə bildirilməsini istəyib.Yeboah xalqı xəstəliyə qarşı mübarizə çərçivəsində əsas ehtiyat tədbirləri görməyə çağırıb.Qida və su ilə ötürülən “vibrio” bakteriyalarının yaratdığı vəba xəstəliyi ishala və beləliklə də orqanizmdə susuzluğa səbəb olur. Xəstəlik müalicə olunmazsa ölümcül ola bilər.
