Almaniya Bundesliqasında 14-cü turun "Union Berlin" - "Bohum" matçı başa çatmayıb.
İdman.biz xəbər verir ki, oyun tribunlardakı ixtişaşlar üzündən yarımçıq dayandırlıb.
Azarkeşlərin görüşün əsas vaxtına əlavə olunan dəqiqələrdə meydana atdıqları kənar əşyalardan biri qonaq komandanın qapıçısı Patrik Dreversin başına dəyib. Nəticədə baş hakim oyunu yarımçıq dayandıraraq, tərəfləri soyunub-geyinmə otağına yollayıb.
Qeyd edək hadisə baş verərkən qarşılaşmanın hesabı 1:1 olub. "Union Berlin"ə 0:3 hesablı texniki məğlubiyyət verilməsi gözlənilir.
İdman.biz
