"Yuventus"la müqaviləsini ləğv etdikdən sonra hazırda azad agent olan Pol Poqba "Mançester Siti"dən təklif alıb.
Fanat.Az xəbər verir ki, məlumatı "The Independent" yayıb.
Mənbənin məlumatına görə, "şəhərlilər" futbolçunun nümayəndəsi ilə əlaqə saxlayıblar.
Ancaq fransız futbolçu onu heyətində görmək istəyən Premyer Liqa nəhənginə "yox" deyib. Poqba "Mançester Yunayted"dəki pis təcrübəsinə görə Mançesterə qayıtmaq istəmir. O, ümumiyyətlə İngiltərəyə qayıtmaq fikrində deyir. Poqba La Liqa, A Seriya və Bundesliqaya üstünlük verəcək.
Xatırladaq ki, Poqba 2023-cü ildə dopinq testi müsbət çıxdıqdan sonra müvəqqəti olaraq futboldan uzaqlaşdırılıb. Lakin bu yaxınlarda qadağa müddəti azaldılıb. Bu, Poqbaya 2025-ci ilin yanvarında məşqləri bərpa etməyə və mart ayına qədər rəsmi olaraq sahəyə çıxmağa imkan verəcək.
Mirağa
