Kiyev, 15 dekabr, AZƏRTAC
Dekabrın 15-də Lvov yaxınlığında qatar, minik avtomobili və mikroavtobusun toqquşması nəticəsində azı 7 nəfər ölüb, 3 nəfər yaralanıb.
AZƏRTAC xəbər verir ki, bu barədə Lvov vilayəti polisi məlumat yayıb.
"Hadisə Ternopil-Lvov-Rava-Russkaya avtomobil yolunda, Lvov rayonunun Çijikov kəndi yaxınlığında baş verib", - məlumatda deyilir.
“Mercedes” markalı mikroavtobusun sərnişinləri - 7 nəfər qəza nəticəsində yerindəcə dünyasını dəyişib. Yaralılar Lvovdakı tibb müəssisələrinə yerləşdiriliblər.
Emil Hüseynli
AZƏRTAC-ın xüsusi müxbiri
Kiyev
