"Hamı yaxşı oynadı. Buna görə də dəyişikliyə ehtiyac yox idi".
İdman.biz xəbər verir ki, bunu “Turan Tovuz”un baş məşqçisi Kurban Berdiyev "Zirə" ilə oyundan sonra keçirilən mətbuat konfransında deyib.
Rusiyalı mütəxəssis Misli Premyer Liqasının 17-ci turunda qeydə alınan 0:0 hesablı nəticəni şərh edib: "Gərgin oyun oldu. Küləyi nəzərə alsaq, müəyyən çətinlik çəkirdik. Məncə, oyun qola qədər davam edəcəkdi. Qol olmadığına görə hesabı qanunauyğun saya bilərik. Oyuna köklənməklə bağlı heç bir problem yoxdur. Uşaqlar oyunlara həm fiziki, həm də psixoloji cəhətdən yaxşı hazırlaşırlar".
Qeyd edək ki, "Turan Tovuz" son 6 oyunda 1 qələbə qazanıb.
İdman.biz
