“Real”ın futbolçusu Cud Bellingem İspaniya La Liqasında 72 ildən sonra rekordu təkrarlayıb.
Msport.az “Mister Chip”ə istinadən xəbər verir ki, ingiltərəli yarımmüdafiəçi buna çempionatda ardıcıl altı matçda fərqlənməklə nail olub.
O, “kral klubu”nda mərhum Roke Olsendən sonra hücumçu olmadan bu sayda ardıcıl qarşılaşmada qol vuran ilk oyunçudur.
Bellingem son olaraq XVII turda “Rayo Valyekano” ilə heç-heçə etdikləri (3:3) görüşdə fərqlənib. Futbolçu daha əvvəl “Jirona”, “Atletik”, “Xetafe”, “Leqanes” və “Osasuna” ilə matçlarda rəqib qapılarına yol tapıb.
