Rumıniyada keçirilən fiqurlu konkisürmə üzrə beynəlxalq turnirə yekun vurulub.
İdman.biz xəbər verir ki, Azərbaycan fiqurlu konkisürənləri “Edusport Trofi”də uğurla çıxış ediblər.
Maksin Ueterbi və Aleksandr Kolosovski dueti buz üzərində rəqslərdə mübarizə aparıblar. Onlar bədii rəqsdə 65,14, sərbəst çıxışda 95,12 nəticə göstəriblər. Hər iki proqramda ikinci yeri tutan duet yekunda da 160,26 xalla 2-ci yeri tutaraq gümüş mükafat qazanıb.
Qeyd edək ki, buz üzərində rəqslərdə 9 duet sifariş olunsa da, onlardan yeddisi yarışa qatılıb.
İdman.biz
