Bakı, 16 dekabr, AZƏRTAC
Azərbaycanı fiqurlu konkisürmənin buz üstündə rəqs növü üzrə beynəlxalq yarışlarda təmsil edən Maksin Uezerbi və Aleksandr Kolosovski cütlüyü Rumıniyanın Otopeni şəhərində keçirilən “Edu Sport Trophy” turnirində uğurla çıxış edib.
Azərbaycan Qış İdmanı Növləri Federasiyasından AZƏRTAC-a verilən məlumata görə, onlar 8 cütlük arasında 2-ci yeri tutublar.
Hakimlərdən 160.26 xal alan Azərbaycan təmsilçiləri gümüş medala layiq görülüblər.
