Dekabrın 16-da Fövqəladə Hallar Nazirliyi işçilərinin peşə bayramı münasibətilə Samux Rayon İcra Hakimiyyətinin başçısı Firdovsi Əliyev, RİH başçısı Aparatının məsul şəxsləri, FHN-in Yanğından Mühafizə bölməsinin işçiləri şəhərdəki Heydər Parkında ulu öndər Heydər Əliyevin abidəsini ziyarət edib.
“Qafqazinfo” xəbər verir ki, daha sonra keçirilən tədbirdə Samux Rayon İcra Hakimiyyətinin başçısı Firdovsi Əliyev çıxış edib.
İcra başçısı tədbir iştirakçılarını 16 dekabr- Fövqəladə Hallar Nazirliyi işçilərinin peşə bayramı münasibətilə təbrik edib, onlara çətin və şərəfli işlərində uğurlar arzulayıb.
Bildirilib ki, Prezident İlham Əliyev 16 dekabr 2005-ci il tarixində Fövqəladə Hallar Nazirliyinin yaradılması haqqında Sərəncam imzalayıb. Dövlətimizin başçısının 2006-cı il 8 dekabr tarixli Sərəncamına əsasən isə hər il dekabrın 16-sı ölkəmizdə FHN işçilərinin peşə bayramı günü kimi qeyd edilir.
