Avropa İttifaqı (Aİ) Rusiya, Gürcüstan və Moldovanın 16 vətəndaşına, habelə üç təşkilata qarşı “hibrid hərəkətlər”lə əlaqədar sanksiyalar tətbiq etməyi planlaşdırır.
Bu barədə “Polskie Radio” radiosu siyahı layihəsinə istinadən məlumat yayıb.
Bildirilib ki, ona daxil olan şəxslərin Aİ-yə girişi qadağan olunacaq, onların Avropadakı aktivləri dondurulacaq. Onlar həm də ölkələrin alyansından maliyyə ala bilməyəcəklər.
“Məhdudiyyətlər Aİ-nin Rəsmi Jurnalında dərc edildikdən sonra qüvvəyə minəcək və siyahıya daxil olan şəxslərin sanksiyalardan yayınmasını asanlaşdırmamaq üçün ona qədər siyahı məxfi olaraq qalır”, - materialda deyilir.
