"Atletiko Madrid" bir rəqiblə oyunlardakı məğlubiyyətsiz seriyaya görə rekordunu təkrarlayıb.
Fanat.Az "Opta Sport"a istinadən xəbər verir ki, paytaxt komandası bu nəticəni La Liqanın 17-ci turunda "Xetafe"ni yenməklə (1:0) reallaşdırıb.
"Atletiko" bu rəqibinə 23 oyundur ki, yenilmir - 19 qələbə, 4 bərabərlik. İspaniya nəhəngi 1954-1979-cu illər aralığında ardıcıl 23 matçda "Malaqa"ya da uduzmayıb.
Qeyd edək ki, hazırda 38 xalı olan "Atletiko" La Liqanın turnir cədvəlində ikinci pillədə mövqe tutub.
