Rusiya İstintaq Komitəsinin sədri Aleksandr Bastrıkin Murmansk vilayətində uşaqları və qocaları döyən gənc boksçu ilə maraqlanıb.
Publika.az xəbər verir ki, bu barədə TFR teleqram kanalında məlumat verilib. Bundan əvvəl internetdə yeniyetmənin küçələrdə insanlara hücum etməsi, uşaqları və qocaları təhqir etməsi, döyməsi, alçaltması ilə bağlı videolar yayılıb. O, baş verən hər şeyi videoya çəkir və Telegram kanalında yerləşdirir.
Bu fakt əsasında Rusiya İstintaq Komitəsinin Murmansk vilayəti üzrə istintaq idarəsi Rusiya Federasiyası Cinayət Məcəlləsinin 116-cı maddəsi (döymə) ilə cinayət işi açıb.
Bastrıkin istintaqın gedişi və hadisənin müəyyən edilmiş halları barədə məlumat verməyi tapşırıb.
