“Tottenhem”in baş məşqçisi Angelos Postekoqlu kluba gəlişi ilə “mahmızlar”ın başlanğıc heyətindəki gəncləşdirmə siyasəti haqda söhbət açıb.
Arena.az “Eurosport” dərgisinə istinadən yunanəsilli avstraliyalı mütəxəssisin bu barədə fikrini təqdim edir:
“Biz dərhal uğur qazansaydıq, bu, çox yaxşı olardı, amma etməyə çalışdığımız xüsus, bizə davamlı uğur əldə etmək imkanı verən bir məqam yaratmaqdır. Biz məqsədyönlü surətdə gəncləşirik. Çünki onların birlikdə böyüməsini istəyirik.
Sonra biz tələb edilən təcrübədəki boşluqları doldurmalıyıq. Bu, bizim icra etməyə çalışdığımızdır. Amma bizim ilk bir neçə ildə gəncləşmək, komandanın əsasını qurmaq kimi şüurlu planımız vardı. Sonra da ümidvaram, onlar birlikdə böyüdükcə bu, bizə ilk onbirliyi təcrübəmizlə tamamlamağa imkan verəcək”, deyə Postekoqlu vurğulayıb.
15 oyundan 20 xalla “Tottenhem” İngiltərə Premyer Liqasının yarış cədvəlində 12-ci pillədə qərarlaşıb.
