Bakı,16 dekabr, AZƏRTAC
Misli Premyer Liqasında III turdan təxirə salınmış “Şamaxı” – “Qarabağ” oyununun hakim təyinatları açıqlanıb.
AZƏRTAC Peşəkar Futbol Liqasının rəsmi saytına istinadən xəbər verir ki, görüşü Rəşad Əhmədov idarə edəcək. Ona yan xətt hakimləri Vüsal Məmmədov ilə Teymur Teymurov kömək edəcəklər. Dördüncü hakim funksiyasını Rauf Allahverdiyev yerinə yetirəcək.
VAR hakimi İnqilab Məmmədov, onun köməkçisi isə Namiq Hüseynov olacaq.
Qeyd edək ki, dekabrın 19-da Şamaxı şəhər stadionunda keçiriləcək görüş saat 14:00-da başlayacaq.
