Son günlər sosial şəbəkələrdə yayılan yeni video böyük maraqla qarşılanıb.
Trendə çevrilən görüntülərin qəhrəmanı «Şəki Siti»nin azarkeşidir.
II Liqada mübarizə aparan komandanın fanatı çılğın hərəkətləri ilə diqqət mərkəzinə düşüb. O, stadionda emosional şəkildə verdiyi dəstəklə futbolçuları ruhlandırıb.
Şəkili tərəfdarın təkbaşına etdiyi fədakarlıq, təəssüf ki, qarşılıq görmür. Maliyyə problemləri yaşayan «Şəki Siti» mövsümü zəif keçirir.
Əyalət təmsilçisi 12 tur ərzində cəmi 2 qələbə qazana bilib. 1 heç-heçə və 9 məğlubiyyət alan komandanın hesabında cəmi 7 xal var.
Firudin Mövsümovun çalışdırdığı kollektiv turnir cədvəlinin təhlükəli zonasında - 11-ci pillədə qərarlaşıb.
SPORTİNFO.AZ
