İspaniyanın "Barselona" klubunun heyətində ciddi itki baş verib.
Sportal.az xəbər verir ki, Kataloniya təmsilçisinin futbolçusu Lamin Yamal sıradan çıxıb. Bu barədə klubun mətbuat xidməti məlumat yayıb.
İspaniyalı vinger La Liqanın 18-cı turunun "Leqanes"lə matçında topuğundan zədə alıb. Yamal 3-4 həftə yaşıl meydanlardan uzaq qalacaq. 17 yaşlı vinger 2025-ci ilin yanvar ayının ortalarında məşqlərə başlayacaq.
Qeyd edək ki, Lamin Yamal "Barselona"nın yetirməsidir. İspaniya millisinin üzvü bu mövsüm Kataloniya təmsilçisinin heyətində meydana çıxdığı 21 rəsmi matçda 6 qol və 12 məhsuldar ötürmə ilə yadda qalıb.
saytlarin hazirlanmasi
