Xəzər rayonu Binə qəsəbəsində, "Baxartmat yolu" adlanan ərazidə yolların bərbad vəziyyəti sakinlərin ciddi narazılığına səbəb olub. News365.az xəbər verir ki, ərazidə yerləşən 326 saylı məktəbin qarşısında vəziyyət xüsusilə acınacaqlıdır. Sakinlərin sözlərinə görə, dəfələrlə icra hakimiyyəti və bələdiyyəyə müraciət etsələr də, problem həll olunmayıb.
Hazırda yolların bərbad vəziyyəti nəticəsində yolda yaranan süni göl avtomobillərin hərəkətinə ciddi çətinliklər yaradır. Məsələ ilə bağlı həvəskar jurnalist Pərviz İsmayılov sosial şəbəkədə video paylaşıb. Videoda sakinlərin şikayətləri əks olunub və problemin tezliklə həll edilməsi üçün aidiyyəti qurumlara çağırış edilib.
