“Yuventus”un keçmiş yarımmüdafiəçisi Pol Poqba Braziliyanın “Korintians” klubuna keçməyə razılıq verib.
Sportinfo.az “BolaVip”-ə istinadən xəbər verir ki, Braziliya klubunun rəhbərliyi hazırda fransalı futbolçunun transfer xərclərini 100 faiz ödəyəcək sponsor axtarır.
Daha əvvəl Rodriyə müvəqqəti əvəzləyici axtaran “Mançester Siti”nin Poqba ilə maraqlandığı bildirilirdi.
31 yaşlı yarımmüdafiəçi hazırda antidopinq qaydalarını pozduğuna görə diskvalifikasiya olunub. O, gələn ilin martında meydana qayıda biləcək.
