Əzgil yetişdirilməsi və baxılması ən asan meyvə ağaclarından biridir. Dağlarda və yol kənarlarında belə asanlıqla bitən əzgilin sağlamlığa müxtəlif faydaları var. İlk dəfə Yaponiyada yetişdirilən əzgil ölkəmizdə də yetişdirilir. Beləliklə, əzgil meyvəsinin faydası nələrdir?
"İki sahil" Türkiyənin "Sabah" nəşrinə istinadla əzgilin faydlarını təqdim edir:
Əzgil immuniteti artıran, viruslarla mübarizə aparan və tənəffüs sistemini qoruyan əla qış meyvəsidir. Əzgil meyvəsi təbii afrodizyak kimi də xatırlanır. Əzgilin faydaları geniş diapazonda araşdırıla bilər.
Diş əti xəstəliklərinin qarşısını alır
Əzgil tərkibindəki bol C vitamini sayəsində diş və diş əti xəstəliklərindən qoruyur.
Qəbizliyi sağaldır
Əzgil bol lif ehtiva edir. Qəbizlikdən əziyyət çəkirsinizsə, bol miqdarda istehlak edə bilərsiniz. Tərkibindəki liflər qəbizliyi qısa müddətdə aradan qaldıracaq.
Qaraciyəri təmizləyir
Əzgilin tərkibindəki bitki mənşəli liflər qanda yaxşı və pis xolesterinin səviyyəsini tənzimləyir. O, həmçinin böyrəkləri və qaraciyəri effektiv şəkildə təmizləyir.
Başgicəllənmənin qarşısını alır
Əzgil başgicəllənmə və huşunu itirməni aradan qaldırmağa kömək edir. Görmə qabiliyyətini yaxşılaşdırmağa kömək edir.
Xərçəngdən qoruyur
Tərkibindəki yüksək miqdarda antioksidant sayəsində əzgil xərçəng, katarakt və diabet kimi xəstəliklərdən qorunmağa kömək edir. Bundan əlavə, hər gün 7 ədəd əzgil istehlakı beyin hüceyrələrini yaddaş itkisindən və digər nevroloji xəstəliklərdən qoruyur.
Əzgil siropu öskürəyi müalicə edir. Əzgil çayı bəlğəmgətirici kimi istifadə olunur. Bundan əlavə, əzgil yarpağı angina əlamətlərini əhəmiyyətli dərəcədə azaldır.
