“Bizdə olan məlumata əsasən, Salome Zurabişvilini Avropa Parlamentinin sessiyasına dəvət etməyə hazırlaşırlar. Orada kiçik performans baş tutmalıdır, o, Zelenski kimi ayağa qalxmalı və nitqini ayaq üstə alqışlarla başa çatdırmalıdır”.
Teleqraf.com xəbər verir ki, bunu Gürcüstanın baş naziri İrakli Kobaxidze mətbuat konfransında deyib.
Onun sözlərinə görə, bu cür çıxışların Gürcüstanda baş verənlərə heç bir təsiri ola bilməz.
Qeyd edək ki, bu gün Avropa Parlamentində Gürcüstanla bağlı debat keçiriləcək. Yayılan məlumatlara əsasən, müzakirələrə Gürcüstanın hazırkı prezidenti Salome Zurabişvili də dəvət olunub.
Müəllif: Cəmilə Babayeva
