Hindistandan "Google" platformasında ən populyar turizm şəhərlərindən birincisi Bakıdır.
Bakupost.az xəbər verir ki, bu barədə texnologiya nəhəngi "Google"un Hindistan üzrə "İlin axtarış trendləri" hesabatından aydın olub.
Bildirilib ki, müasirlik və ənənələrin unikal birləşməsi getdikcə daha çox hindlini ölkəmizə cəlb edir.
Azərbaycandan əlavə, "Google"un ən populyar turizm istiqamətləri siyahısına, həmçinin İndoneziyada Bali adası, Malayziyada Kuala-Lumpur şəhəri, eləcə də Qazaxıstan, Gürcüstan və Hindistanın müxtəlif şəhərləri daxildir.
Qeyd edək ki, son illər ərzində Azərbaycana səfər edən hindistanlı turistlərin sayı əhəmiyyətli dərəcədə artıb.
