Gürcüstanın baş naziri İrakli Kobaxidze Avropa İttifaqının Gürcüstanın diplomatik və xidməti pasportları üçün vizasız rejimin dayandırılması qərarını anti-gürcü addımı adlandırıb.
NOCOMMENT.az xəbər verir ki, bu barədə TASS məlumat yayıb.
“Şuranın verdiyi yeganə tövsiyə diplomatik pasport sahibləri üçün viza rejiminin tətbiqi prosedurunun başlanması ilə bağlı olub. Bu tövsiyənin mahiyyət etibarı ilə simvolik məna daşımasına baxmayaraq, o, gürcü cəmiyyətinin dərk edilməsində Avropa strukturlarına inamı sarsıdan anti-gürcü addımı kimi qiymətləndirilməlidir”, – Kobaxidze brifinqdə deyib.
Kobaxidze Gürcüstana qarşı sanksiyaların tətbiqinə qarşı çıxan 5 ölkəyə təşəkkür edib. “Bunlar Macarıstan, Slovakiya, İtaliya, İspaniya və Rumıniyadır, onlar gürcü xalqının maraqlarını müdafiə ediblər”, – baş nazir qeyd edib.
Kobaxidzenin vurğuladığı kimi, diplomatik pasport sahibləri üçün viza rejiminin ləğvi heç bir praktiki mənası olmayan simvolik aktdır. Baş nazirin sözlərinə görə, diplomatların adi Gürcüstan pasportları da var ki, bu da onlara Aİ ölkələrinə sərbəst daxil olmaq imkanı verəcək.
