Rumıniyanın FKSB klubunun İdarə Heyətinin nümayəndəsi Mihay Stoyka Avropa Liqasının əsas mərhələsində qarşıdakı rəqibi olan "Qarabağ"ın yeni ilin yanvarında Antalyada (Türkiyə) olacağını bildirib.
seher.media "Sport.ro"ya istinadən xəbər verir ki, FKSB klubunun baş məşqçisi Mihay Stoyka Antalyada keçirəcəkləri təlim məşq toplanışı zamanı "Qarabağ"la eyni hoteldə qalacaqlarını və bunun gülünc olduğunu bildirib.
"Yanvarın 12-də təlim-məşq toplanışı çərçivəsində Antalyada Ukraynanın "Dinamo" (Kiyev) klubu ilə yoldaşlıq oyunu keçirəcəyik. Qeyri-rəsmi olmasına baxmayaraq, bizi vacib oyun gözləyir. Yəqin ki, "Qarabağ"ın məşqçiləri və futbolçuları bizimlə bir hoteldə qalacaqları üçün tribunada olacaqlar. Bu, həqiqətən gülməlidir".
Xatırladaq ki, daha əvvəl "Qarabağ"ın Suraxanıdakı bazasında qış təlim-məşq toplanışı keçirəcəyi məlum olmuşdu. "Qarabağ" - FKSB oyunu yanvarın 23-də Bakıda keçiriləcək.
