Honda və Nissan birləşmək də daxil olmaqla, əlaqələri gücləndirmək üçün danışıqlar aparır.
Marja xəbər verir ki, bu barədə "Reuters" məlumat yayıb.
İki şirkətin birləşməsi ehtimalını nəzərdən keçirməsi ölkənin bir vaxtlar rəqibi olmayan avtomobil sənayesinin Tesla və Çinli rəqiblərin yaratdığı reallıqlar səbəbindən şəklini dəyişdiyini göstərir.
İlk dəfə “Nikkei” qəzetində dərc olunan danışıqlar Yaponiyanın ikinci ən böyük istehsalçısı Honda və üçüncü ən böyük istehsalçısı Nissan şirkətlərinə texnologiya sahəsində əməkdaşlıq etməyə imkan verəcək və əgər birləşmə ilə nəticələnərsə, onlar həm də bir şirkət yarada bilərlər. Bu şirkət ölkənin ən böyük avtomobil istehsalçısı Toyota üçün güclü yerli rəqib ola bilər.
Məsələ ilə bağlı məlumatı olan iki mənbə bildirib ki, danışıqlar holdinqin yaradılması da daxil olmaqla əməkdaşlığın artırılması yollarını tapmaq üçün aparılıb.
Mənbələrdən birinə görə, şirkətlər Nissan-ın 24 faizlik payla ən böyük səhmdarı olduğu Mitsubishi ilə də birləşmək imkanlarını və birgə işləmək yollarını nəzərdən keçirir.
