Olaylar.az xəbər verir ki, bu barədə Ekologiya Agentliyinin (EA) alimlərinin araşdırmasında bildirilib.
Hesabatda qeyd edilir ki, hazırda ölkədə təxminən 6,3 milyon daşınmaz əmlak obyekti - evlər və müəssisələr - çaylar, dənizlər və ya səthi sular kimi müxtəlif mənbələrdən daşqın təhlükəsi olan ərazilərdə yerləşir.
Tədqiqatçılar xəbərdarlıq edirlər ki, iqlim dəyişikliyi fonunda 2050-ci ilə qədər daşqın riski olan ərazilərdəki binaların sayı 8 milyona çata bilər. Alimlər əlavə ediblər ki, "əsrin ortalarına qədər İngiltərədə hər dörd daşınmaz əmlak obyektindən biri daşqın riski olan ərazilərdə yerləşəcək".
Ekspertlər daşqınların ciddi iqtisadi nəticələrə səbəb olacağını da vurğulayırlar. Müxtəlif hesablamalara görə, 2016-2019-cu illər arasında İngiltərə və Uelsdə daşqınların vurduğu ziyan 504 milyon funt sterlinqdən 924 milyon funt sterlinqə qədər olub.
Bundan əvvəl coğrafiyaçılar ümumdünya daşqını ilə bağlı xəritə hazırlayıblar. Proqnozlara əsasən, London və Venesiya kimi sahilyanı şəhərlər yox ola bilər. Niderland və Danimarka kimi bəzi ölkələr isə tamamilə xəritədən silinəcək. Baltikyanı ölkələrdən isə çox az şey qalacaq.
Eyni zamanda alimlər xəbərdarlıq edirlər ki, Nyu-York şəhəri öz göydələnlərinin çəkisi altında tədricən suyun altına batır və yeni bir Venesiyaya çevrilməkdədir.
