“Nissan” və “Honda” markaları elektrikli avtomobil bazarında Çin rəqabətinə qarşı mövqelərini gücləndirmək üçün birgə addımlar atmağa hazırlaşır.
“Qafqazinfo” BBC-yə istinadən xəbər verir ki, buna səbəb Asiya bazarında Çin markalarının təsirini zəiflətməkdir.
Artıq “Nissan”ın səhmləri 8%, “Honda”nınkı isə 1,5% yüksəlib. Buna görə də şirkətlər rəqabətdə geri qalmamaq üçün yeni texnologiyaların inkişafı və istehsal xərclərinin azaldılması üzərində işləyirlər.
Həmçinin bu strateji ortaqlığa Yaponiya istehsalçıları da cəlb edilir. Belə ki, onlar gələcəkdə daha güclü texnoloji innovasiyalar və bazar payını artırmaq üçün əməkdaşlığı genişləndirməyi planlaşdırırlar.
“Nissan”dan təxminən beş dəfə böyük olan “Honda” da problemlərlə üzləşir. Şirkət 2040-cı ilə qədər əsas bazarlarda yalnız sıfır emissiyalı avtomobillər satmağı planlaşdırdığını açıqlayıb.
Bildirilir ki, lakin keçid prosesi ləng gedir, çünki nisbətən aşağı qaz qiymətləri və artan rəqabət ABŞ və Avropada elektrikli avtomobillərə tələbi aşağı salıb.
Qeyd edək ki, hər iki marka 2023-cü ildə 7,4 milyon avtomobilin qlobal satışını birləşdirmişdi, lakin Çin markaları kimi daha ucuz elektrik avtomobil istehsalçıları ilə rəqabət aparmaqda çətinlik çəkirdilər.
