Almaniya millisinin və "Bavariya"nın yarımmüdafiəçisi Camal Musiala uşaqlıq xatirələrindən danışıb.
QOL.az xəbər verir ki, o, "İnter Mayami"nin futbolçusu Lionel Messini özünə kumir seçdiyini deyib:
“Uşaqlıqda formamın arxasında demək olar ki, həmişə Messinin adı olurdu. Mən Neymarı da sevirdim. Amma Messi mənim qəhrəmanım, sevimli oyunçum idi”.
Qeyd edək ki, bu mövsüm Musiala bütün yarışlarda 21 matça çıxıb, 12 qol vurub və 5 qolun ötürməsini verib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub.
