Amerikalı jurnalist Taker Karlson israr edib ki, ABŞ-ın keçmiş dövlət katibi Mayk Pompeo ABŞ-ın yeni seçilmiş prezidenti Donald Trampın gələcək administrasiyasının tərkibində olmamalıdır.
Musavat.com xəbər verir ki, bu barədə mənbələrə istinadən “The Wall Street Journal” (WSJ) məlumat yayıb.
Qəzetin məlumatına görə, Trampın yaxın çevrəsinin bir çoxu Pompeonun ABŞ-ın növbəti müdafiə naziri olmaq üçün aşkar favorit olduğuna inanırdı. Taker Karlson isə keçmiş dövlət katibinin yeni adminstrasiya olmamalı olduğunu bildirib. Jurnalist dəfələrlə Pompeonu “müharibə alovu” adlandırıb. Karlson Trampa keçmiş dövlət katibinə qarşı şikayətlərinin siyahısını təqdim edib.
Nəşr yazır ki, başqa şeylər arasında o, Pompeonun “WikiLeaks”in qurucusu Culian Assancı öldürmək üçün nəzəri plana malik olduğunu qeyd edib.
Qəzet qeyd edir ki, Karlson və ABŞ-ın yeni seçilmiş prezidenti Donald Trampın oğlu bildiriblər ki, Pompeo kimi neo-mühafizəkarlar Trampa xidmət etməkdənsə, onu idarə etməyə çalışırlar. Onlar vurğulayıblar ki, keçmiş dövlət katibi 2020-ci il seçkilərinin “oğurlandığı” iddialarından uzaqlaşaraq öz vəfasızlığını nümayiş etdirib.
Nəticədə Tramp müdafiə naziri vəzifəsinə televiziya aparıcısı və keçmiş hərbçi Pit Heqseti irəli sürüb, bu isə hökumət dairələrini təəccübləndirib.
Musavat.com
