Hesablama Palatası fəaliyyətində strateji idarəetmə çərçivəsindən geniş yararlanmağa çalışır. Bu çərçivənin özəyini təşkil edən, Hesablama Palatasının 2021-2025-ci illəri əhatə edən Strateji Planında hədəflərdən biri də maraqlı tərəflərlə əməkdaşlığın genişləndirilməsidir. Bu hədəf üzrə görüləcək ən vacib tədbirlər arasında dövlət orqanları üçün dövlət maliyyəsinin müxtəlif sahələrində təlimlərin keçirilməsi və təcrübənin paylaşılması ilə dəstəyin verilməsidir. Buradan bildirmək istəyirəm ki, biz bütün maraqlı tərəflərə əlimizdən gələn köməyi etməyi əsirgəməməyə çalışırıq. SİA-nın Naxçıvan bürosu xəbər verir ki, bu sözləri Naxçıvanda keçirilən Maliyyə Forumunda çıxışı zamanı Hesablama Palatasının sədri Vüqar Gülməmmədov bildirib.
Palata sədri qeyd edib ki, gələcəkdə muxtar respublikada fəaliyyət göstərəcək kadr potensialının gücləndirilməsi üçün Naxçıvan Dövlət Universiteti ilə əməkdaşlığa başlanılıb. Növbəti ildən "Dövlət auditi" proqramı üzrə praktik təlimlər keçiriləcək.
