Suriyanın devrilmiş prezidenti Bəşər Əsədin qardaşı və 4-cü zirehli diviziyanın rəhbəri Mahir Əsəd Livanla Suriya sərhədində saxlanılıb.
“AzPolitika” xəbər verir ki, yerli mənbələr bu məlumatı artıq təsdiqləyiblər.
Xatırladaq ki, Mahir ən yüksək kateqoriyalı məxfi informasiya sahibi kimi bir çox kəşfiyyat xidmətləri üçün arzuolunan qurbandır, çünki o, Dəməşqin əsas sirrini - Əsəd qəbiləsinin Kaptaqon imperiyasının məxfi şəbəkələrinə, bir çox kəşfiyyat xidmətlərinin gizli şəbəkələrinə sahib idi.
Buna görə də onun “ovuna” qardaşı Bəşərin qaçması xəbəri gələndən dərhal sonra başlanıb. Aydındır ki, məhz o, israillilər, HTŞ və maraqlı təşkilatlar tərəfindən axtarışda olanlar siyahısında birinci olub.
Görünür, Mahir özünü xilas etmək kimi incə işdə ruslara belə etibar etməyib. Həm də Moskva onun xilası üçün həm maliyyə, həm də informasiya baxımından çox yüksək qiymət tələb edə bilərdi.
O, öz imkanlarını açıq-aydın şəkildə çox yüksək qiymətləndirib. Amma HTŞ, MOSSAD və yəqin ki, İraq Kürdüstanının kəşfiyyat xidmətləri onu ələ keçirmək üçün səylərini birləşdirəndə onun heç bir şansı qalmayıb. Nəticədə, o, Suriya Baş Təhlükəsizlik İdarəsinin direktoru Əli Məmlüklə birlikdə saxlanılıb. İndi də çox güman ki, o, gərgin sorğu-suallara məruz qalır.
İstisna deyil ki, onun saxlanmasında Türkiyə MİT-inin də əli var – lakin bu, hələlik bu təsdqini tapmış fakt deyil. Bu arada bir şey aydındır: həm Moskva, həm də Tehran əvəzolunmaz məlumat mənbəyini açıq şəkildə əldən verdilər. İndi bu “bülbül” çox şey oxuyacaq. İlk növbədə, Əsəd klanının hesabları və xarici daşınmaz əmlakı haqqında.
Bu sərvətin miqyasını təsəvvür etmək çətindir: HSBC və Credit Suisse (indiki UBS) İsveçrə, Kayman və Britaniya Virgin adalarındakı filiallarında onlarla hesab, Rumıniya, BƏƏ, Avstriya, Argentinada daşınmaz əmlak və biznes - bu aysberqin sadəcə görünən hissəsidir. Əsəd klanı ölkəni səriştəsiz idarə edə bilərdi, lakin öz rifahlarını necə təmin etmək məsələsində, sadəcə olaraq, qeyri-insani instinkt və dəmir mənsubiyyətə malik idilər.
Əsədin oğurladığı vəsaitləri Suriyaya qaytarmaq asan olmayacaq. Nümunə kimi, Liviyadakı Müəmmər Qəddafi rejiminin yığdığı təxmin edilən 54 milyard dollardan indiyə qədər yalnız 12 milyon dolları Londondakı malikanədən, 100 milyon dolları isə Maltadakı hesablardan çıxarılıb.
“AzPolitika.info”
