2024-cü ildə ən çox oyun keçirən futbolçular açıqlanıb.
Futbolpress.az xəbər verir ki, birinci sırada Fransa millisinin və “Barselona”nın oyunçusu Jul Kunde yer alıb. Müdafiəçi ilboyu 69 oyunda 5872 dəqiqə şans qazanıb.
İkinci pillədə Braziliyanın “Fluminense” klubunda Con Arias qərarlaşıb. O, 67 görüşdə 5599 dəqiqə oynayıb. “Üçlüy”ü “Real”dan Federiko Valverde tamamlayıb. Uruqvay yığmasının da üzvü olan yarımmüdafiəçi bu il 66 matçda 5573 dəqiqə şans qazanıb.
