Daha əvvəl xəbər verdiyimiz kimi, Azərbaycanda iş və istirahət günlərinin yerləri dəyişdirilib.
KONKRET.az xəbər verir ki, iş və istirahət günlərinin ardıcıllığını təmin etmək məqsədilə 2024-cü il 30 dekabr və 2025-ci il 3 yanvar iş günləri ilə müvafiq olaraq 2024-cü il 28 və 29 dekabr istirahət günlərinin yerləri dəyişdirilib.
28 və 29 dekabr tarixlərində istirahət günləri olmasına baxmayaraq tam iş günü olacaq. Yeni ildə ardıcıl 7 gün iş olmayacaq. Belə ki, 30-31 dekabr, 1- 5 yanvar tarixləri qeyri-iş günü olacaq.
Yeni ilin ilk iş günü yanvarın 6-sına təsadüf edəcək.
