Beyləqan Rayon İcra Hakimiyyətinin başçısı Əziz Əzizov Gürcüstanda keçirilən Alpaqut idman növü üzrə Dünya Çempionatında yüksək nəticə əldə edərək I yerə laiq görülən beyləqanlı idmançı Fərəcov Nizami Nihal oğlunu qəbul edib.
Yenisabah.az xəbər verir ki, icra başçısı gənc idmançını təbrik edərək əldə etdiyi nəticənin ölkəmizin idman sahəsindəki yüksək inkişafını və Alpaqut idmanının Azərbaycan daxilindəki mövqeyini bir daha təsdiqlədiyini diqqətə çatdırıb.
Rayon rəhbəri göstərdiyi əzmkarlığa görə gənc idmançını təbrik edib onun gələcək yarışlarda daha yüksək nəticələr əldə edəcəyinə inandığını bildirib.
Qeyd edirik ki, rayon rəhbəri idmançının bu yarışda iştirakına maddi cəhətdən dəstək olmuşdur.
İdmançının müəllimi və valideyni idmançılara, eləcə də Nizami Fərəcova göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Sonda Fərəcov Nizami Nihal oğluna Beyləqan Rayon İcra Hakimiyyyətinin Fəxri Fərmanı və hədiyyəsi təqdim edilib.
Telegram kanalımız
