ABŞ dövlət katibi Entoni Blinken bildirib ki, Vaşinqton son 20 ildə İranda hakimiyyəti dəyişmək üçün eksperimentlər aparıb, lakin bu cəhdlər uğurlu olmayıb...
Poliqon xəbər verir ki, bu barədə RİA Novosti məlumat yayıb.
Onun sözlərinə görə, Vaşinqton İran daxilində əhalinin dəstəklənməsinə sərmayə qoymağa çalışıb, lakin ölkə xaricində bunu etmək çətin olub.
Blinken əlavə edib ki, hazırda ABŞ-ın Tehranla ikitərəfli diplomatik əlaqələri yoxdur. Dövlət katibi qeyd edib ki, kənardan nəyisə dizayn etməyə çalışmaqdan ehtiyatlı olmaq lazımdır.
Dekabrın 12-də ABŞ-ın yeni seçilmiş prezidenti Donald Tramp İranla müharibə ehtimalını istisna etməyib.
Dekabrın 11-də İranın ali dini lideri Əli Xamnei deyib ki, İslam Respublikası Suriyada hakimiyyətin dəyişdirilməsi prosesinin ABŞ və İsrail tərəfindən müəyyən "qonşu ölkə"nin köməyi ilə planlaşdırıldığına dair sübutlara malikdir. O, ABŞ və İsrailin "əsas sui-qəsdçilər" olduğunu vurğulayıb.
Poliqon.info
