YAP Yevlax rayon təşkilatının, Yevlax Şəhər İcra Hakimiyyətinin və Yevlax Uşaq Gənclər İdman Şahmat Məktəbinin birgə təşkilatçılığı ilə Ümummilli Lider Heydər Əliyevin əziz xatirəsinə həsr olunmuş Şahmat idman növü üzrə Yevlax rayon birinciliyi başa çatıb.
“İki sahil” xəbər verir ki, turnirdə müxtəlif yaş qrupları üzrə 110 məktəbli arasında keçirilmiş Şahmat turnirində qalib gəlmiş 18 şahmatçı ilə YAP Yevlax rayon təşkilatının inzibati binasında görüş keçirilib, onlara fəxri fərmanlar və medallar təqdim olunub.
Tədbirdə çıxış edən YAP Yevlax rayon təşkilatının sədri Rafiq Əliyev əvvəlcə Şahmat turnirinin qaliblərini səmimi-qəlbdən təbrik edərək, onlara uğurlar arzulayıb. Qeyd edilib ki, müasir müstəqil Azərbaycanın və Yeni Azərbaycan Partiyasının qurucusu Ümummilli Liderimiz Heydər Əliyev Azərbaycanın ən böyük tarixi şəxsiyyətidir. Məhz dahi Heydər Əliyevin Azərbaycanın maraqları naminə həyata keçirdiyi mükəmməl siyasətin bariz nümunəsidir ki, bu gün Ulu Öndərimizin müdrik ideyaları əsasında Partiyamızın Sədri, dövlətimizin başçısı cənab İlham Əliyevin ali rəhbərliyi ilə Azərbaycan saysız-hesabsız uğurlara imza atır və böyük inkişaf yolu keçir. Azərbaycan gənclərinə, idmana diqqət və qayğı göstərmək, gənclərimizi vətənpərvərlik ruhunda, milli-mənəvi dəyərlərə bağlı şəkildə yetişdirmək dövlət siyasətinin prioritet istiqamətlərindən biridir. Bütün əldə etdiyimiz nailiyyətlərə əsaslanaraq, bildirməliyəm ki, bu gün hər bir azərbaycanlı qürur hissi keçirir, ona görə ki, onlar müstəqil Azərbaycanın müstəqil vətəndaşlarıdır.
Tədbirdə çıxış edənlər Yevlax UGİŞM-in direktoru Elman Əlibəyli, müəllimlər və valideynlər göstərilən diqqətə görə Yeni Azərbaycan Partiyasının rəhbərliyinə təşəkkür edərək, bildiriblər ki, Ulu Öndər Heydər Əliyevin müdrik siyasi ideologiyası Azərbaycanın hərtərəfli inkişafının əsasında dayanır. Həqiqətən bu gün Azərbaycan gənclərinə dövlətimiz tərəfindən göstərilən xüsusi diqqət və qayğı hər birimiz üçün qürurverici hadisədir
Qaliblərin siyahısı:
1)2018-ci il və aşağı təvəllüdlü şahmatçılar arasında İsmayıllı İsmayıl Rza oğlu 1-ci yer, Əzizov Tunar Yaqub oğlu 2-ci yer , Nəsibli Tunar Tural oğlu 3-cü yerin qalibi
2) 2017-2016-cı il şahmatçılar arasında Əhmədli Zeynəb Samir qızı 1-ci yer, İsayev Ali Azad oğlu 2-ci yer, Sarızadə Tunar Taleh oğlu 3-cü yerin qalibi
3) 2014-2015-ci il şahmatçılar arasında Səlimli Nicat Tural oğlu 1-ci yer, İsgəndərov Ramal Teymur oğlu 2-ci yer, Ağayeva Mələkxanım Elçin qızı 3-cü yerin qalibi
4) 2013-2012-ci il şahmatçılar arasında Səfərli Elmir Ceyhun oğlu 1-ci, Musazadə Amin Amil oğlu 2-ci, Məmmədli Ümid Bəxtiyar oğlu 3-cü yerin qalibi
5)2010-2011- ci il təvəllüdlü şahmatçılar arasında Əlibəyli Ziya Ceyhun oğlu 1-ci, Məmmədova Aysu Orxan qızı 2-ci, Cəfərli Sevdayə Fizuli qızı 3-cü yerin qalibi
6)2008-2009-cü il təvəllüdlü şahmatçılar arasında Ağalarova Jalə İlkin qızı 1-ci, Hüseynov Tuncay Teyyub oğlu 2-ci, Yahyalı Mələk Nicat qızı isə 3-cü yerin qalibi olmuşdur.
