Yəmənin “Ənsar Allah” hərəkatı (husilər) Təl-Əviv bölgəsindəki hərbi hədəflərə iki hipersəs ballistik raket atıb.
Editor.az xəbər verir ki, bunu təşkilatın hərbi sözçüsü Yəhya Sariya bildirib. Hərəkat nümayəndəsi bildirib ki, zərbə “Fələstin-2” raketləri ilə endirilib. “Yəmən silahlı qüvvələrinin raket qüvvələri Yaffa bölgəsində iki mühüm hərbi obyektə iki hipersəs ballistik raketi olan “Fələstin-2” ilə hücum edərək hərbi əməliyyat keçirib. Əməliyyat öz məqsədlərinə çatıb”, – Husilər öz Telegram kanallarında yazıblar.
İsrail Müdafiə Qüvvələri (IDF) öz növbəsində dekabrın 19-na keçən gecə Yəməndən Təl-Əvivə raket atıldığını və onun hava hücumundan müdafiə qüvvələri tərəfindən tutulduğunu bildirib. Ölən və yaralananlar barədə məlumat verilmir.
Bundan əvvəl husilər dekabrın 16-da Təl-Əvivə hipersəsli raket hücumu barədə məlumat vermişdilər.
İsrail Hərbi Hava Qüvvələri yəhudi dövlətinin ərazisinə çatmamış onun qarşısını kəsib. Husilər İsrail ordusunun Qəzza zolağındakı əməliyyatına cavab olaraq və Fələstinin HƏMAS hərəkatına dəstək olaraq İsraili və onunla əlaqəli gəmiləri hədəf alır. Dekabrın 1-də qrup Ədən körfəzi və Ərəbistan dənizində Amerika esminesi və ABŞ-ın üç gəmisinə hücumu elan edib.
//Samir Qurbanov,Editor.az
