Birgə istintaq qrupu Koreya Respublikasının Prezidenti Yon Sok Yeolu dekabrın 25-də dindirilməyə dəvət edib.
Ucnoqta.az xəbər verir ki, bu barədə Yonhap agentliyi məlumat yayıb.
Yon Sok Yeol yerli vaxtla saat 10:00-a qədər Qvaçeondakı Yüksək Səviyyəli Məmurlar üçün Korrupsiyaya Qarşı Mübarizə Departamentinə ifadə verməlidir. Yonhap bildirir ki, həmin gün bayram olduğundan hökumət kompleksində daha az adam olacağı üçün “prezidentin təhlükəsizliyi ilə bağlı məsələləri nəzərə alaraq” qəsdən seçilib.
