''Qalatasaray'' qış transfer dönəmində Viktor Nelsson ayrılacağı təqdirdə onun boşluğunu PSJ-nin ulduzu ilə doldurmağa çalışacaq. Söhbət Milan Şkrinyardan gedir.
Nelsson ümidləri doğrultmur. O indi hətta Metehan Baltacıdan da geri düşərək komandanın 4-cü mərkəz müdafiəçisi statusundadı. ''Betis'' danimarkalıya ciddi maraq göstərir. ''Cim-Bom'' indidən mümkün ayrılığı nəzərə alaraq Şkrinyarın meneceri ilə əlaqə saxlayıb. Amma təcrübəli slovakiyalı müdafiəçini mövsümün ortasında daimi əsasda transfer etmək asan olmayacaq. Ona görə də İstanbul nəhəngi Şkrinyarın maaşının bir hissəsinin PSJ tərəfindən ödənilməsi şərti ilə onu 6 aylığa icarəyə götürmək istəyir.
Daha öncə uzun illər ''İnter''in şərəfini qorumuş və Paris nəhəngində ikinci mövsümünü keçirən 29 yaşlı futbolçu istədiyi qədər forma şansı qazanmaqda çətinlik çəkir. Şkrinyar bu mövsüm cəmi 5 rəsmi oyunda ümumilikdə 381 dəqiqə meydanda olub.
ƏLİ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
