Motosiklet kanala düşdü: ölən var

Neftçala rayonunda motosiklet kanala düşüb, ölən var.

Mynews.az xəbər verir ki, hadisə rayonun Sarıqışlaq kəndində qeydə alınıb.

İlkin məlumata görə, hərəkətdə olan motosiklet idarəetmədən çıxaraq yolun kənarındakı kanala düşüb.

Qəza nəticəsində kənd sakini, 1962-ci il təvəllüdlü Məzahim Səttar oğlu Hüseynov hadisə yerində ölüb.

Faktla bağlı araşdırma aparılır.