“Komandanı formalaşdıran zamanı yaxşı seleksiya işi görmüşük”.
İdman.biz xəbər verir ki, bunu “Araz-Naxçıvan”nın baş məşqçisi Elmar Baxlıyev İdman TV-yə açıqlamasında deyib.
Mütəxəssis komandanın ümumi performansını dəyərləndirib. O, klub haqqında deyilən bəzi ifadələrə münasibət bildirib: “Mövsümlük komandayıq” fikri ilə razı deyiləm. İddiamızı qorumaq istəyiriksə, ildən-ilə inkişaf etməliyik. Bu inkişaf üçün müəyyən bir vaxt lazımdır. Çoxu bizi sürpriz komanda adlandırır. Amma o sürprizin altında futbolçularımın böyük zəhməti durur. Siz komandanı həftədə 1 dəfə görürsüz, amma biz hər gün bu klublayıq. Düşünürəm ki, komanda olaraq daha da inkişafda ola bilərik”.
Qeyd edək ki, “Araz-Naxçıvan” 17 turdan sonar 39 xalla turnir cədvəlinin ikincisidir.
İdman.biz
