“Çido qasırğası”ndan zərər çəkən Fransanın Mayotta departametində yaşayan insanlar adaya səfər edən Fransa prezidenti Emmanuel Makronu istefaya çağırıb.
Medianews.az “TRT Haber”ə istinadən xəbər verir ki, qasırğadan 5 gün sonra adaya gələn Makronun səfərləri davam edir.
Makron dünən axşam Mayottanın Pamandzi qəsəbəsində ictimai reaksiya ilə üzləşib. Qasırğadan sonra yerli əhali qıtlıqdan və pis şəraitdən şikayətlənərək Paris hökumətini fəaliyyətsizlikdə günahlandırıb.
Makronun görüşdüyü ada xalqı, prezidentin yalan danışdığını bəyan edərək, “istefa” və “su” şüarları səsləndirib. Fransa prezidenti isə, xalqa “Mən qasırğa deyiləm. Mən cavabdeh deyiləm” deyib.
Makron jarqon bir söz işlətməklə, “Mayotta adası Fransada olmasaydı, onların vəziyyəti 10 min dəfə daha çirkli olardı” iddiasını irəli sürərək, Hind okeanında insanlara bu qədər yardımın edildiyi başqa bir yer yoxdur deyib.
Fransa adada indiyədək 31 nəfərin öldüyü, təxminən 2500 nəfərin yaralandığı “Çido qasırğası” səbəbilə dekabrın 23-də milli matəm gününü etibarlı elan edib.
Fransanın yeni təyin olunmuş baş naziri Fransua Bayru da Mayotta adasının yenidən qurulması üçün parlamentə xüsusi qanun layihəsi təqdim edəcəklərini açıqlayıb.
