Bakıda Avrasiya Universitetlər Birliyinin təşəbbüsü ilə \"Davamlı İnkişaf Hədəflərinə Yönəlik Strateji Yanaşmalar\" mövzusunda konfrans keçirilib.
Konfransda Azərbaycanın müxtəlif universitetlərinin rektorları, rəhbər şəxslər iştirak ediblər.
Konfransın əsas mövzusu universitetlərin beynalxalqlaşma sahəsindəki gördüyü işlər, eyni zamanda universitetlərdə təhsilin keyfiyyətinin artırılması, o cümlədən təhsildə araşdırma yönümlü fəaliyyətlərin sayının artırılması ilə bağlı olub.
Çıxış edənlər öz universitetləri ilə əlaqədar təcrübələrini bölüşüblər, dünyadakı ali təhsil sahəsindəki son trendlər ətrafında müzakirə aparıblar.
Tədbirdə Azərbaycan Pedaqoji Universitetinin rektoru Cəfər Cəfərov, Bakı Biznes Universitetinin rektoru İbad Abbasov, Azərbaycan Dövlət Gömrük Akademiyasının rektoru Qulu Novruzov çıxış ediblər.
Tədbirin sonunda iştirakçılar mükafatlandırılıblar.
AZXEBER.COM sözügedən konfransda olub və reportaj hazırlayıb.
Həmin süjeti təqdim edirik:
Mikayıl Mirzəzadə
Xanlar Əlizadə
