Amerikalı diplomatlar 10 ildən artıq müddətdə ilk dəfə Dəməşqə gəliblər. Dövlət Departamentinin bəyanatına görə, onlar “Suriya xalqının nümayəndələri” və ölkə ərazisinin əhəmiyyətli hissəsinə nəzarət edən “Həyat Təhrir əl-Şam” qruplaşması ilə danışıqlar aparmağı planlaşdırırlar.
ABŞ Dövlət Departamentinin sözçüsü bəyanatında bildirib ki, “Həyat Təhrir əl-Şam”ın nümayəndələri ilə danışıqlarda əsas diqqət Suriyada hakimiyyətin inklüziv hökumətə keçməsi və ölkədə yoxa çıxan Amerika vətəndaşlarının taleyi məsələlərinin müzakirəsinə yönəldiləcək.
“NBC News” telekanalı isə xəbər verir ki, Bayden administrasiyası qrupu terrorçular siyahısından çıxarmağı düşünür. Bununla belə, Ağ Ev ABŞ-nin Suriya hökumətini rəsmən tanımasından əvvəl yerinə yetirilməli olan şərtlərin siyahısını təqdim edib.
“Heyət Təhrir əş-Şam” ilə Böyük Britaniyanın BMT-dəki nümayəndələri artıq danışıqlar aparıb və Rusiya Prezidenti Vladimir Putin də təmaslarının olduğunu açıqlayıb. Çərşənbə axşamı Fransa diplomatları Dəməşqə də səfər ediblər. 12 ildən sonra ilk dəfə Fransanın Suriyadakı səfirliyi üzərində milli bayraq qaldırılıb.
Dövlət Departamenti bəyan edib ki, diplomatlar təşkilat nümayəndələri ilə yanaşı vətəndaş cəmiyyətinin nümayəndələri, fəallar və müxtəlif icmaların üzvləri ilə görüşlər keçirmək niyyətindədirlər.
Vaşinqton Suriyanın gələcəyi və “ABŞ-ın onlara necə kömək edə biləcəyi” ilə bağlı onların mövqelərini dinləməyi planlaşdırır.
“AzPolitika.info”
