Şəmkirdə bıçaqlanma hadisəsi baş verib.
APA-nın yerli bürosunun məlumatına görə, hadisə rayon ərazisində qeydə alınıb. 1979-cu il təvəllüdlü K.Muxtarova bıçaq xəsarəti ilə xəstəxanaya yerləşdirilib və əməliyyat edilib.
Onun əri tərəfindən bıçaqlandığı bildirilir.
Şəmkir rayon Polis Şöbəsi əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən həyat yoldaşı 1972-ci il təvəllüdlü R.Muxtarov saxlanılaraq istintaqa təhvil verilib.
Faktla bağlı araşdırma aparılır.
