Türkiyə Futbol Federasiyasının (TFF) Mərkəzi Hakimlər Komitəsində (MHK) baş verən son hadisələr böyük rezonans doğurub.
Qaynarinfo xəbər verir ki, hakim Gamze Durmuş Pakkan hamilə olması səbəbindən FIFA hakimlər siyahısından çıxarılıb. UEFA bu qərara ciddi etiraz edib və məsələ ilə bağlı sərt mövqe nümayiş etdirib.
UEFA-dan etiraz: "Bu, işdən çıxarmaqla eyni şeydir"
MHK tərəfindən FIFA 1-ci kateqoriya hakimi olan Gamze Durmuş Pakkan hamiləlik səbəbilə siyahıdan çıxarılıb. UEFA Hakimlər Komitəsinin qadın hakimlərdən məsul üzvü, keçmiş hakim Dağmar Damkova hadisəni öyrənəndən sonra deyib: "Bir qadının hamilə olduğu üçün siyahıdan çıxarılması işdən çıxarmaqla eyni şeydir".
O, Gamze Durmuş Pakkanla əlaqə saxlayaraq ona təsəlli verib.
FIFA siyahısından çıxarılma nə deməkdir?
Gamze Durmuş Pakkanın FIFA siyahısından çıxarılması, onun elit kateqoriyaya yüksəlmək şansının ciddi şəkildə azaldılması deməkdir. Hamiləlik müddətində matç idarə edə bilməməsi təbii olsa da, onun siyahıdakı yerinin dondurulub qorunması gərəkirdi. Bunun əvəzinə, FIFA siyahısından birbaşa çıxarılması, illərlə davam edən zəhmətinin hədər getməsi deməkdir. Yenidən FIFA siyahısına daxil olmaq üçün ən aşağı kateqoriyadan başlamalı və bu proses ən azı 3 il vaxt itirmək mənasına gəlir.
Pakkan ailəsinə qarşı təhdid iddiaları
Hadisənin mətbuatda yayılması halında Pakkan ailəsinə təzyiq göstərildiyi də iddia olunur. Bundan əlavə, Gamze Durmuş Pakkanın həyat yoldaşı, Super Liqa hakimi Burak Pakkanın da hakimlik karyerasının bitirilə biləcəyi barədə narahatlıqlar var. Bu iddialar vəziyyətin nə qədər ciddi olduğunu göstərir.
UEFA-nın mövqeyi: İnsanlıq və etik dəyərlər
UEFA Gamze Durmuş Pakkanın siyahıdan çıxarılmasını qəbuledilməz hesab edir və bunun həm insanlıq, həm də etik prinsiplərə zidd olduğunu bildirir. Qurumun fikrincə, hamiləlik səbəbilə fəaliyyət göstərə bilməyən hakimlərin yerinin qorunması ən doğru yanaşmadır.
Nümunələr: Digər hakimlərin vəziyyəti
FIFA kateqoriyalə rumın hakim Ovidiu Hateqa 2022-ci ildə keçirdiyi infarkt sonrası 1,5 il fəaliyyətsiz qalmasına baxmayaraq, elit kateqoriyadakı yeri qorunmuşdu. UEFA Hateqanın dönüşünü sosial media vasitəsilə alqışlamış və onun karyerasını dəstəkləmişdi. Bu, Qamze Durmuş Pakkan üçün də tətbiq olunmalı idi.
Çağırışlar: Qadın haqlarını müdafiə etməyə çağırış
MHK-nin bu qərarına qarşı qadın millət vəkillərinə, nazirlərə və qeyri-hökumət təşkilatlarına səslənərək, bu haqsızlığa qarşı çıxmaq çağırışı edilib. UEFA isə Gamze Durmuş Pakkanın adını FIFA siyahısında görməyi gözləyir.
"Hürriyet" qəzeti yazır ki, Gamze Durmuş Pakkanın hamiləlik səbəbilə FIFA siyahısından çıxarılması yalnız onun şəxsi karyerasına deyil, həm də qadın hakimlərin hüquqlarına ciddi zərbədir. UEFA bu qərarı insanlıq və etik prinsiplərə zidd hesab edir və dəyişikliyin baş verməsini tələb edir.
Aydın
