Hollivudun ulduz aktyoru Tom Kruz ABŞ Hərbi Dəniz Qüvvələrinin mükafatını alıb. Aktyor bu mükafata "Ən yaxşı atıcı" filmindəki roluna görə layiq görülüb.
Reyting.az "İndependent" nəşrinə istinadla xəbər verir ki, aktyor ABŞ Hərbi Dəniz Qüvvələrinin Dövlət Xidməti Mükafatını almasını gözəl sürpriz hesab edir.
Bu mükafat qəhrəmanlıq etməklə, Hərbi Dəniz Qüvvələri sıralarında öz dəstəyi ilə xüsusi seçilən fərdlərə təqdim olunur. 62 yaşlı Tom Kruz mükafatı "Ən yaxşı atıcı" filmində ABŞ Hərbi Dəniz Qüvvələrinin “F14” qırıcı pilotu obrazını canlandırdığına görə alıb. Tom Kruza bu ali mükafat ABŞ Hərbi Dəniz Qüvvələrinin katibi vəzifəsini icra edən Karlos Del Toronun tərəfindən təqdim olunub. Mərasim zamanı Hollivud ulduzu "çox qürurlu olduğunu və həm də şoka düşdüyünü" söyləyib.
"Ən yaxşı atıcı" filmi 1986-cı ildə ekrana çıxıb. İkinci hissə olan "Top Qan: Maverik" filmi isə 2022-ci ildə nümayiş olunub.
Məhz elə həmin il də Tom Kruzun yeni filmin çəkilişi ilə bağlı unikal kadrlar əldə etmək məqsədilə kosmosa çıxacağı və yerdən ayrılan ilk mülki aktyor olacağı xəbəri yayılmışdı. Lakin bununla belə, ilk dəfə bu cür orijinal film layihənin müəllifi və rejissoru olacaq Doq Laymandan hələ də yeni layihə ilə bağlı xəbər yoxdur.
Oqtay QORÇU
