Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 18-ci turuna start verilib.
Arena.az xəbər verir ki, 2024-cü ilin və ikinci dövrənin sonuncu turunun ilk oyun günündə bir qarşılaşma baş tutub.
Turun açılış oyunu Tovuzda keçirilib. Ev oyunlarını məlum səbəblərdən burada keçirən “Kəpəz” “Sumqayıt”la münasibətlərinə aydınlıq gətirib.
Bu, “Kəpəz”lə “Sumqayıt”ın yubiley – 30-cu görüşü olub. Əvvəlki 29 oyunda gəncəlilər 7, sumqayıtlılar 12 qələbə qazanmışdılar, 10 görüş sülhlə yekunlaşmışdı. “Sumqayıt” son 8 oyunda bu rəqibinə qol vurmuşdusa, “Kəpəz” ardıcıl 6 ev matçında “Sumqayıt”a qalib gəlməmişdi.
Bu oyunda isə tərəflər meydanı qolsuz tərk ediblər. Beləcə, xalını 20-yə çatdıran “Sumqayıt”ın qış fasiləsinə 6-cı sırada yollanacağı dəqiqləşib. “Kəpəz”in xal ehtiyatı isə 11-ə çatıb. Amma Gəncə təmsilçisinin 9-cu pillədə qalıb-qalmayacağı sonuncu olan “Səbail”in “Zirə” ilə ev oyunundan sonra aydınlıq gələcək.
Premyer Liqa
18-ci tur
20 dekabr
“Kəpəz” – “Sumqayıt” 0:0
Hakimlər: Kamal Umudlu, Rəhman İmami, Teymur Teymurov, Əkbər Əhmədov.
VAR: Tural Qurbanov.
AVAR: Asiman Əzizli.
Hakim-inspektor: Vüsal Əliyev.
AFFA nümayəndəsi: Elman Musayev.
Tovuz şəhər stadionu, 16:00.
Kəpəz: 22. Məmməd Hüseynov, 7. Ehtiram Şahverdiyev, 12. Turan Manafov, 5. Rauf Hüseynli, 26. Valdemar Almeyda, 9. Luis Paçu, 29. Dioqo Verdaska, 78. Yeqor Xvalko (k), 3. Mahamadu Ba, 10. Kərim Lkuça, 77. Viktor Braqa.
Ehtiyat oyunçular: 18. Elgün Bayramov, 80. Tural Rzayev, 99. Əli Səmədov, 70. Nicat Suleymanov, 20. Mahir Həsənov, 21. Camal Cəfərov, 17. Ümid Səmədov, 15. Cavad Kərimov, 19. Lassana Ndiaye.
Baş məşqçi: Azər Bağırov.
Sumqayıt: 1. Mehdi Cənnətov, 14. Elvin Bədəlov (k), 7. Rövlan Muradov, 17. Murad Xaçayev, 30. Kamran Quliyev, 20. Ayxan Süleymanlı, 19. Roi Kehat, 95. Miloş Miloviç, 12. Georgi Xaraişvili, 23. Cordan Rezabala, 60. Tresor Mossi.
Ehtiyat oyunçular: 94. Rəşad Əzizli, 36. Xəyal Fərzullayev, 6. Vüqar Mustafayev, 2. Sertan Taşkın, 41. Uğur Cahangirov, 8. Səbuhi Abdullazadə, 21. Nihad Əhmədzadə, 66. Ruslan Əliyev, 24. Sənan Muradlı, 64. Kənan Feyziev, 9. Nikola Vuynoviç, 5. Alan Dias.
Baş məşqçi: Vaqif Cavadov.
